Tionscadail
Tá cúig phríomhréimse oibre roghnaithe againn le tacaíocht a thabhairt lena bhforbairt. Creidimid go mbeidh ról lárnach acu i láidriú na Gaeilge sa todhchaí:
- Gréasán d’Ionaid Tacaíochta Teaghlaigh ina mbeidh naíolanna, naíonraí, clubanna iarscoile agus ranganna Gaeilge do thuismitheoirí a dteastaíonn uathu a bpáistí a thógáil le Gaeilge a bhunú.
- Tacaíocht a thabhairt do na hÓgeagraíochtaí Gaeilge chun gníomhaíochtaí a fhorbairt bunaithe ar an ngréasán de scoileanna lán-Ghaeilge agus Gaeltachta atá ann
- Oideachas tríú-leibhéal i gcomhthéacs nuálaíochta agus fhorbairt na Gaeilge mar ionstraim nua-aimseartha chumarsáide a chruthú.
- Bunú ionaid chultúrtha Ghaeilge sna cathracha móra
- Scéimeanna tithíochta sa Ghaeltacht agus lasmuigh di
Tá tionscadal amháin idir lámha anois- Lárionad Náisiúnta na Gaeilge i mBaile Átha Cliath i gcomhpháirt le Conradh na Gaeilge ach chuirfimis fáilte roimh ghrúpaí eile a mbeadh spéis acu tionscadail a bhunu a luífeadh isteach le aidhmeanna agus le fealsúnacht na Fondúireachta teacht chugainn agus a dtionscada(i)l a phlé linn.
